မန်ချက်စတာယူနိုက်တက်တောင်ပံကစားသမား ဂျေဒန်ဆန်ချိုဟာ အပြောင်းအရွှေ့နောက်ဆုံးနေ့ရက်မှာတော့ အိုးလ်ထရက်ဖို့ဒ်မှထွက်ခွာခဲ့ပြီဖြစ်ပြီး ပြိုင်ဘက်ပရီးမီးယားလိဂ်ကလပ် အက်စတွန်ဗီလာသို့ တစ်ရာသီအငှားစာချုပ်နဲ့ ပြောင်းရွှေ့သွားခဲ့ပါတယ်။
ချဲလ်ဆီးနဲ့ ယူနိုက်တက်အသင်းဟောင်းနည်းပြ ဟိုဆေးမော်ရင်ဟိုဟာ နော်တင်ဟမ်ဖောရက်စ်အသင်းကို ကိုင်တွယ်ဖို့ စိတ်ဝင်စားနေပြီး ပရီးမီးယားလိဂ်ကို ပြန်လာဖို့လည်း မျှော်လင့်နေတယ်လို့ သတင်းတွေ ထွက်ပေါ်နေပါတယ်။
သတင်းတွေအရ ဘိုင်ယန်မြူးနစ်အသင်းဟာ ချဲလ်ဆီးတိုက်စစ်မှူး နီကိုလက်စ်ဂျက်ဆင်နဲ့ ပုဂ္ဂိုလ်ရေးသဘောတူညီမှုရရှိခဲ့ပြီလို့ သိရပါတယ်။ဘိုင်ယန်အသင်းဘက်က ဂျက်ဆင်အပြောင်းအရွှေ့အတွက် အတည်လည်းမပြုသလို ငြင်းဆန်ခြင်းလည်း မပြုခဲ့တာဖြစ်ပါတယ်။ဘိုင်ယန် နဲ့ ဂျက်ဆင်တို့ကြား ပုဂ္ဂိုလ်ရေးသဘောတူညီမှုရရှိခဲ့ပြီးဖြစ်ကာ ၂ သင်းကြားဆွေးနွေးမှုတွေပြုလုပ်နေဆဲဖြစ်ပါတယ်။
ချဲလ်ဆီးအသင်းကို သုံးနှစ်အကြာက ပေါင်သန်း ၇၀ နဲ့ ပြောင်းရွှေ့လာခဲ့တဲ့ ဝက်စ်လေ ဖိုဖာနာဟာ ဒဏ်ရာတွေကြောင့် ပုံမှန်ပွဲကစားချိန်ရဖို့ ရုန်းကန်နေရပါတယ်။ ဖိုဖာနာဟာ ၂၀၂၃-၂၀၂၄ ဘောလုံးရာသီမှာ ACL ဒဏ်ရာကြောင့် တစ်မိနစ်မှ မကစားခဲ့ရပါဘူး။ ပြီးခဲ့တဲ့ ဘောလုံးရာသီမှာလည်း ပရီးမီးယားလိဂ် ၁၄ ပွဲသာ ပါဝင်ကစားနိုင်ခဲ့ပါတယ်။
သတင်းတွေအရ ယူနိုက်တက်စတား ဂါနာချိုတစ်ယောက် အခုနွေရာသီမှာ ချဲလ်ဆီးအသင်းထံကိုသာ ပြောင်းချင်နေတယ်လို့ သိရပါတယ်။ ဂါနာချိုဟာ အာမိုရင်လက်အောက်မှာ နေရာရဖို့မသေချာတော့တာကြောင့် ယူနိုက်တက်ကနေထွက်ခွာရတော့မှာဖြစ်ပါတယ်။ တိုက်စစ်တောင်ပံနေရာမှာ ခြေစွမ်းကောင်းတွေရှိနေတာကြောင့် ချဲလ်ဆီးက အခုနွေရာသီမှာ အလိုရှိနေပါတယ်။
ပြီးခဲ့တဲ့လက စပိန်နိုင်ငံ၊ ဇာမိုရာပြည်နယ်မှာ ကားမတော်တဆမှုဖြစ်ပြီးနောက် ကွယ်လွန်သွားခဲ့တဲ့ လီဗာပူးတိုက်စစ်မှူး ဂျိုတာ (၂၈ နှစ်) နဲ့ သူ့ရဲ့ညီဖြစ်သူ (၂၅ နှစ်) တို့အတွက် တစ်ကမ္ဘာလုံးက အမှတ်တရ ဂုဏ်ပြုခဲ့ကြပါတယ်။ ဂျိုတာ ကွယ်လွန်ပြီးနောက် လီဗာပူးအသင်းက အသင်းရဲ့ ပထမဆုံးပွဲဖြစ်တဲ့ အက်သလက်တစ် ဘီလ်ဘာအိုနဲ့ ရာသီအကြို ခြေစမ်းပွဲမစတင်ခင်မှာ အမှတ်တရ ဂုဏ်ပြုခဲ့ကြပါတယ်။
မန်ချက်စတာယူနိုက်တက်နဲ့ ချဲလ်ဆီးတို့ဟာ တောင်ပံကစားသမား အလီဂျန်ဒရိုဂါနာချိုရဲ့အပြောင်းအရွှေ့အတွက် ယခုချိန်အထိ ဆွေးနွေးညှိနှိုင်းမှုတွေပြုလုပ်နေရဆဲဖြစ်ပြီး သဘောတူညီမှုရရှိဖို့ ခက်ခက်ခဲနေဆဲဖြစ်တယ်လို့သိရပါတယ်။
ချဲလ်ဆီးဟာ ပြီးခဲ့တဲ့ ရက်သတ္တပတ်ကုန်က အေဂျက်စ်ကနေ ဟာတို ကို ပေါင် ၃၇ သန်းနဲ့ ခေါ်ယူနိုင်ခဲ့ပါတယ်။ အသက် ၁၉ နှစ်အရွယ် ဟာတိုဟာ သောကြာနေ့ညက စတမ်းဖို့ဒ်ဘရစ်ဂျ်မှာ လေဗာကူဆင်ကို ၂-၀ ဂိုးနဲ့ အနိုင်ရခဲ့တဲ့ ရာသီကြို ခြေစမ်းပွဲမှာ နည်းပြ အန်ဇို မာရက်စ်ကာရဲ့ အသင်းအတွက် ပထမဆုံး ပွဲထွက်ကစားခဲ့ပါတယ်။
ချဲလ်ဆီးတောင်ပံကစားသမား ရာဟင်းမ်စတာလင်ဟာ ယခုနွေရာသီအတွင်း အသင်းမှရောင်းချသွားမဲ့ ကစားသမား ၉ ယောက်စာရင်းထဲမှာ ပါဝင်လာခဲ့တယ်လို့ သိရပါတယ်။ ပြီးခဲ့တဲ့ရာသီက စတာလင်ဟာ ပြိုင်ဘက်ကလပ် အာဆင်နယ်သို့ အငှားစာချုပ်နဲ့ထွက်ခွာခဲ့ပေမဲ့ ခြေစွမ်းပြဖို့ရုန်းကန်ခဲ့ရတာကြောင့် ရာသီကုန်မှာ စတန်းဖို့ဒ်ဘရစ်ချ်သို့ ပြန်လည်ရောက်ရှိလာခဲ့ပါတယ်။
အလီဂျန်ဒရိုဂါနာချို ကို ယူနိုက်တက် ပထမအသင်းရဲ့ အစီအစဉ်များမှ နည်းပြ ရူဘင်အာမိုရင်က ဖယ်ထုတ်လိုက်ပြီဖြစ်ပြီး သူ့ရဲ့ ဆုံးဖြတ်ချက်ဟာ ပုဂ္ဂိုလ်ရေးအရ မဟုတ်ကြောင်း ပေါ်တူဂီနည်းပြက အခိုင်အမာ ပြောကြားခဲ့ပါတယ်။
