သတင်းတွေအရ အန်ဒရေ အိုနာနာဟာ ရာသီကုန်လို့ ထရက်ဘ်ဇွန်စပေါ်နဲ့ အငှားစာချုပ်ကုန်ဆုံးချိန်မှာ မန်ချက်စတာ ယူနိုက်တက်ကို ပြန်လာပြီး အသင်းရဲ့ နံပါတ် ၁ နေရာအတွက် ပြန်တိုက်ပွဲဝင်ချင်နေတယ်လို့ သိရပါတယ်။ သူဟာ မန်ယူမှာ အမှားအယွင်းတွေ ခဏခဏလုပ်ခဲ့ပြီးနောက် အနာဂတ်မရေမရာဖြစ်ခဲ့လို့ အခုလို အငှားချခံခဲ့ရတာပါ။
မန်ချက်စတာယူနိုက်တက်အသင်းရဲ့ နည်းပြသစ် မိုက်ကယ်ကာရစ်ဟာ အသင်းရဲ့ယခင်နည်းပြ ရူဘင်အာမိုရင် လက်ထက်က တင်းကျပ်စွာ ချမှတ်ထားခဲ့တဲ့ စည်းကမ်းတစ်ခုကို အပြတ်အသတ် ပယ်ဖျက်လိုက်ပြီဖြစ်ပါတယ်။
ဟယ်ရီ မက်ဂွိုင်းယားရဲ့ မန်ချက်စတာ ယူနိုက်တက် အသင်းဖော်တွေကတော့ ဒီရာသီကုန်မှာ အိုးလ်ထရက်ဖို့ဒ်နဲ့ စာချုပ်သက်တမ်းကုန်တော့မဲ့ အသက် ၃၂ နှစ်အရွယ် နောက်ခံလူကို စာချုပ်သစ်ချုပ်ဆိုပြီး အသင်းမှာ ဆက်ရှိနေစေချင်ကြပါတယ်။
မန်ယူနိုက်တက်အသင်းဟာ ဝက်စ်ဟမ်းယူနိုက်တက်နဲ့ ကစားခဲ့တဲ့ပွဲမှာ ပွဲပြီးခါနီးမှ ချေပဂိုးပြန်သွင်းနိုင်ခဲ့လို့ အရှက်ရဖွယ်ရှုံးနိမ့်မှုကနေ သီသီလေးလွတ်မြောက်သွားခဲ့ပါတယ်။ မိုက်ကယ် ကာရစ်ရဲ့ အသင်းဟာ ဒီပွဲမှာ ခြေစွမ်းပြနိုင်ခြင်းမရှိဘဲ ရုန်းကန်ခဲ့ရတာပါ။
“ဒီမှာတင် ကျွန်တော် အိမ်မှာရှိနေသလို ခံစားရတယ်“ မိုက်ကယ် ကာရစ်က မန်ယူမှာ ဆက်နေချင်တယ်လို့ အရိပ်အမြွက် ပြောလိုက်ပါတယ်။ ရာသီကုန်အထိထက် ပိုပြီး မန်ချက်စတာယူနိုက်တက်ရဲ့ နည်းပြချုပ်အဖြစ် ဆက်ရှိနေဖို့ စိတ်အားထက်သန်နေတယ်ဆိုတဲ့ ပထမဆုံး အရိပ်အမြွက်ကို မိုက်ကယ် ကာရစ်က ပြသလိုက်တာပါ။
မန်ချက်စတာယူနိုက်တက်အသင်းသည် နည်းပြ ရူဘန်အာမိုရင် (Ruben Amorim) ကို ၁၄ လကြာ တာဝန်ပေးအပ်ပြီးနောက် အိုးလ်ထရက်ဖို့ဒ်တွင် တင်းမာမှုများ မြင့်တက်လာခြင်းကြောင့် ရာထူးမှ ထုတ်ပယ်လိုက်ပြီ ဖြစ်သည်။
