ချယ်လ်ဆီးနည်းပြသစ်ဖြစ်လာမယ်ဆိုတဲ့ ကောလာဟလတွေကို ဖာဘရီဂတ်စ် ငြင်းဆို
ဖိအားတွေ အကြီးအကျယ် ရင်ဆိုင်နေရတဲ့ ချယ်လ်ဆီးနည်းပြ လီယမ် ရိုဆင်နီယာရဲ့နေရာမှာ အစားထိုးဝင်ရောက်ဖို့ အခွင့်အရေးကို လက်ခံမှာမဟုတ်ဘူးလို့ စီစစ် ဖာဘရီဂတ်စ်က ပြောလိုက်ပါတယ်။ တနင်္ဂနွေနေ့က မန်စီးတီးကို ဂိုးပြတ်ရှုံးနိမ့်ခဲ့ပြီးနောက် ချယ်လ်ဆီးအသင်းဟာ လာမဲ့ရာသီ ချန်ပီယံလိဂ်ဝင်ခွင့် လွဲချော်ဖို့ အခြေအနေ တော်တော်လေး ဆိုးရွားနေတာပါ။ ဒါကြောင့် ဇန်နဝါရီလကမှ ၂၀၃၂ ခုနှစ်အထိ သက်တမ်းရှိတဲ့ စာချုပ်အကြီးစားနဲ့ ခန့်အပ်ခံထားရတဲ့ ရိုဆင်နီယာဟာ သူ့ရဲ့ရာထူးကို ထိန်းသိမ်းနိုင်ဖို့ အသည်းအသန် ရုန်းကန်နေရပါတယ်။
