လီယွန်နယ် မက်ဆီ ဟာ ကမ္ဘာ့ဖလားသမိုင်းတစ်လျှောက် ဂိုးအများဆုံးသွင်းယူထားတဲ့ ကစားသမားဖြစ်လာခဲ့သလို အသင်းအတွက် နောက်ထပ် သွင်းဂိုးတစ်ဂိုးပါ ထပ်မံဖြည့်တင်းပေးခဲ့ပါတယ်။ ဒါကြောင့်လည်း အာဂျင်တီးနား အသင်းဟာ ဒေါသအိုးပေါက်ကွဲစရာ ကောင်းခဲ့တဲ့ ဒဲလပ်စ်က ပွဲစဉ်မှာ သြစတြီးယား ကို ၂-၀ နဲ့ အနိုင်ရရှိပြီး ချန်ပီယံဆုကို ကာကွယ်ဖို့အတွက် နိုင်ပွဲဆက်ခြေလှမ်းကို ထိန်းသိမ်းနိုင်ခဲ့ပါတယ်။
ကမ္ဘာ့ဖလားအဖွင့်ပွဲစဉ်အဖြစ် မော်ရိုကို အသင်းနဲ့ ကစားခဲ့တဲ့ပွဲမှာ ဘရာဇီးလ် အသင်းရဲ့ စွမ်းဆောင်ရည်ကတော့ အားလုံးမျှော်လင့်ထားသလို ဖြစ်ပျက်ခဲ့ပါတယ်။ လွန်ခဲ့တဲ့ တစ်နှစ်က နည်းပြ ကာလို အန်ဆလော့တီ ကို ခန့်အပ်ပြီးကတည်းက ပုံမှန်ခြေစွမ်းမရှိဘဲ ဖြစ်နေခဲ့တဲ့ ဘရာဇီးလ် အသင်းဟာ နယူးဂျာစီမှာ ကစားခဲ့တဲ့ပွဲမှာလည်း စုစည်းမှုမရှိတဲ့ ကစားဟန်ကြောင့် နောက်ဆုံးမှာတော့ ဗီနီဆီးယပ်စ် ဂျူနီယာ ရဲ့ တစ်ကိုယ်တော်မှော်ဆန်တဲ့ သွင်းဂိုးနဲ့တင် သရေတစ်မှတ်ကို ခက်ခက်ခဲခဲ လုယူခဲ့ရပါတယ်။ ရှေ့ဆက်ဖို့အတွက် အီတလီလူမျိုး နည်းပြကြီးမှာ စဉ်းစားစရာတွေ အများကြီး ရှိလာခဲ့ပါပြီ။
လူဝစ် ရိုမိုရဲ့ အနိုင်ဂိုးဟာ မက္ကဆီကို အသင်းကို အုပ်စု (A) ရဲ့ ထိပ်ဆုံးနေရာကို ပို့ဆောင်ပေးနိုင်ခဲ့ပြီး အယ် ထရီ တို့ကို အက်ဇ်တီကာ ကွင်းဆီ ပြန်လည်ခြေချခွင့် ရစေခဲ့ပါတယ်။ ဒါ့အပြင် ဒီအသင်းဟာ ၂၀၀၂ ခုနှစ်နောက်ပိုင်း သူတို့ရဲ့ အတောင့်တင်းဆုံး ကမ္ဘာ့ဖလားအသင်း ဖြစ်လာနိုင်တယ်ဆိုတဲ့ ယုံကြည်မှုကိုလည်း ပိုမိုခိုင်မာစေခဲ့ပါတယ်။
လီယွန်နယ် မက်ဆီ ဟာ အင်္ဂါနေ့ည (မြန်မာစံတော်ချိန် – ဗုဒ္ဓဟူးနေ့မနက်) က အယ်လ်ဂျီးရီးယား နဲ့ ယှဉ်ပြိုင်ခဲ့တဲ့ပွဲစဉ်မှာ သူ့ရဲ့ ပထမဆုံးသော ကမ္ဘာ့ဖလား ဟက်ထရစ်ကို သွင်းယူပေးခဲ့သလို မီရိုဆလပ် ကလိုဆေး ရဲ့ ကမ္ဘာ့ဖလား သမိုင်းတစ်လျှောက် ဂိုးသွင်းအများဆုံး စံချိန်ကိုလည်း လိုက်မှီသွားခဲ့ပါတယ်။ ဒါဟာ အာဂျင်တီးနား အသင်းကို အားပေးဖို့အတွက် Arrowhead ကွင်းကြီးထဲမှာ ပြည့်နှက်နေတဲ့ ထောင်ပေါင်းများစွာသော ပရိသတ်တွေအတွက် ဘယ်တော့မှ မေ့နိုင်တော့မှာမဟုတ်တဲ့ အမှတ်တရ အခိုက်အတန့်တစ်ခု ဖြစ်ခဲ့ပါတယ်။
အတ္တလန်တာ ကွင်းကြီးအတွင်းမှာ ပွဲသိမ်းခရာမှုတ်သံ ထွက်ပေါ်လာတဲ့အချိန်မှာတော့ ကင်မရာတွေအားလုံးက ကိတ်ဗာဒီ အသင်းရဲ့ ဂိုးသမား ဗိုဇင်ညာ ဆီကို အလိုအလျောက် ရောက်ရှိသွားခဲ့ကြပါတယ်။
လာမဲ့တနင်္လာနေ့မှာ ကစားမဲ့ စပိန် အသင်းရဲ့ ကမ္ဘာ့ဖလားအဖွင့်ပွဲစဉ်ဖြစ်တဲ့ ကိတ်ဗာဒီ အသင်းနဲ့ပွဲမှာ တိုက်စစ်မှူး လာမင်း ယာမားလ် အနေနဲ့ ပါဝင်ကစားဖို့ အကောင်းဆုံးကြံ့ခိုင်မှု အခြေအနေမှာ ရှိနေတယ်လို့ နည်းပြ လူဝီ ဒီလာဖွန်တေ က ပြောကြားလိုက်ပါတယ်။
အာဆင်နယ် နည်းပြဟောင်း အာစင်ဝင်းဂါး ဟာ ရီးရဲလ်မက်ဒရစ် အသင်းမှာ ဒုတိယမြောက် ရာသီကို ရုန်းကန်ဖြတ်သန်းနေရပြီး မတရား ဝေဖန်တိုက်ခိုက်ခံနေရတဲ့ တိုက်စစ်မှူး အမ်ဘာပေ ဘက်ကနေ မတ်တပ်ရပ် ကာကွယ်ပြောဆိုလိုက်ပါတယ်။ ဒီဂန္ထဝင်နည်းပြကြီးရဲ့အမြင်အရ ပြင်သစ်တိုက်စစ်မှူးဟာ ဘာနေဗျူး ကွင်းမှာ ဓားစာခံအဖြစ် လုပ်ကြံသတ်မှတ်ခံနေရတာဖြစ်ပြီး လာမဲ့ ကမ္ဘာ့ဖလားပြိုင်ပွဲမှာတော့ သူ့ရဲ့ခြေစွမ်းအမှန်တွေ ပေါက်ကွဲထွက်လာလိမ့်မယ်လို့ မျှော်လင့်နေပါတယ်။
ကမ္ဘာ့ဖလားပြိုင်ပွဲကြီး မစတင်ခင်မှာပဲ တိုက်စစ်မှူး နေမာ ဟာ ခြေသလုံးကြွက်သားဒဏ်ရာကနေ “ကောင်းကောင်းသက်သာလာနေပြီ” ဖြစ်ကြောင်း ပြီးခဲ့တဲ့တနင်္လာနေ့မှာ အမျိုးသားအသင်းက အတည်ပြုပေးခဲ့လို့ ဘရာဇီး အသင်းအတွက် စိတ်ဓာတ်ခွန်အား တိုးလာခဲ့ပါတယ်။ ဒီဒဏ်ရာကြောင့် သူဟာ ပြိုင်ပွဲရဲ့ အဖွင့်ပွဲစဉ်တွေမှာ ပါဝင်ကစားနိုင်ပါ့မလားဆိုပြီး စိုးရိမ်စရာ ဖြစ်ခဲ့တာပါ။
အကယ်၍ အင်္ဂလန်အသင်း အနေနဲ့ ကမ္ဘာ့ဖလား ချန်ပီယံဆုကို ဆွတ်ခူးချင်တယ်ဆိုရင် တိုက်စစ်မှူး ဟာရီ ကိန်း အနေနဲ့ ကွင်းလယ်အထိဆင်းပြီး ကစားကွက်ဖန်တီးပေးချင်တဲ့ စိတ်ကို ထိန်းချုပ်ရမှာဖြစ်ပြီး ပြိုင်ဘက် ဂိုးဧရိယာအနီး တိုက်စစ်ဇုန်ထဲမှာပဲ အမြဲရှိနေသင့်တယ်လို့ ရွိုင်ကိန်း က ပြောကြားလိုက်ပါတယ်။
ဘရာဇီးလ် ဂန္ထဝင်ကစားသမား ကာဖူး က ပြီးခဲ့တဲ့ဆယ်စုနှစ်အတွင်း အမျိုးသားအသင်းမှာ နေမာ ဟာ တာဝန်တွေကို အလွန်အကျွံ ထမ်းပိုးခဲ့ရပြီး ဒါက နိုင်ငံရဲ့ ဆဋ္ဌမမြောက် ကမ္ဘာ့ဖလားချန်ပီယံဆု ဆွတ်ခူးနိုင်မဲ့ မျှော်လင့်ချက်ကို ထိခိုက်ပျက်စီးစေခဲ့တယ်လို့ ယုံကြည်နေပါတယ်။
