လာမဲ့တနင်္လာနေ့မှာ ကစားမဲ့ စပိန် အသင်းရဲ့ ကမ္ဘာ့ဖလားအဖွင့်ပွဲစဉ်ဖြစ်တဲ့ ကိတ်ဗာဒီ အသင်းနဲ့ပွဲမှာ တိုက်စစ်မှူး လာမင်း ယာမားလ် အနေနဲ့ ပါဝင်ကစားဖို့ အကောင်းဆုံးကြံ့ခိုင်မှု အခြေအနေမှာ ရှိနေတယ်လို့ နည်းပြ လူဝီ ဒီလာဖွန်တေ က ပြောကြားလိုက်ပါတယ်။
ငါးကြိမ်တိုင်တိုင် ကမ္ဘာ့ဖလားဆုကို ဆွတ်ခူးထားတဲ့ ဘရာဇီးလ်အသင်းဟာ အကောင်းဆုံးအသင်းတွေနဲ့ ယှဉ်ပြိုင်ကစားနိုင်တဲ့ အရည်အချင်းရှိပြီး ၂၄ နှစ်ကြာ စောင့်ဆိုင်းခဲ့ရတဲ့ ကမ္ဘာ့ဖလားချန်ပီယံအိမ်မက်ကို အဆုံးသတ်ဖို့ ရည်မှန်းထားတယ်လို့ နည်းပြ ဖြစ်သူ ကာလို အန်ဆလော့တီက သောကြာနေ့မှာ ပြောကြားလိုက်ပါတယ်။
အာဆင်နယ် နည်းပြဟောင်း အာစင်ဝင်းဂါး ဟာ ရီးရဲလ်မက်ဒရစ် အသင်းမှာ ဒုတိယမြောက် ရာသီကို ရုန်းကန်ဖြတ်သန်းနေရပြီး မတရား ဝေဖန်တိုက်ခိုက်ခံနေရတဲ့ တိုက်စစ်မှူး အမ်ဘာပေ ဘက်ကနေ မတ်တပ်ရပ် ကာကွယ်ပြောဆိုလိုက်ပါတယ်။ ဒီဂန္ထဝင်နည်းပြကြီးရဲ့အမြင်အရ ပြင်သစ်တိုက်စစ်မှူးဟာ ဘာနေဗျူး ကွင်းမှာ ဓားစာခံအဖြစ် လုပ်ကြံသတ်မှတ်ခံနေရတာဖြစ်ပြီး လာမဲ့ ကမ္ဘာ့ဖလားပြိုင်ပွဲမှာတော့ သူ့ရဲ့ခြေစွမ်းအမှန်တွေ ပေါက်ကွဲထွက်လာလိမ့်မယ်လို့ မျှော်လင့်နေပါတယ်။
ကမ္ဘာ့ဖလားပြိုင်ပွဲကြီး မစတင်ခင်မှာပဲ တိုက်စစ်မှူး နေမာ ဟာ ခြေသလုံးကြွက်သားဒဏ်ရာကနေ “ကောင်းကောင်းသက်သာလာနေပြီ” ဖြစ်ကြောင်း ပြီးခဲ့တဲ့တနင်္လာနေ့မှာ အမျိုးသားအသင်းက အတည်ပြုပေးခဲ့လို့ ဘရာဇီး အသင်းအတွက် စိတ်ဓာတ်ခွန်အား တိုးလာခဲ့ပါတယ်။ ဒီဒဏ်ရာကြောင့် သူဟာ ပြိုင်ပွဲရဲ့ အဖွင့်ပွဲစဉ်တွေမှာ ပါဝင်ကစားနိုင်ပါ့မလားဆိုပြီး စိုးရိမ်စရာ ဖြစ်ခဲ့တာပါ။
အကယ်၍ အင်္ဂလန်အသင်း အနေနဲ့ ကမ္ဘာ့ဖလား ချန်ပီယံဆုကို ဆွတ်ခူးချင်တယ်ဆိုရင် တိုက်စစ်မှူး ဟာရီ ကိန်း အနေနဲ့ ကွင်းလယ်အထိဆင်းပြီး ကစားကွက်ဖန်တီးပေးချင်တဲ့ စိတ်ကို ထိန်းချုပ်ရမှာဖြစ်ပြီး ပြိုင်ဘက် ဂိုးဧရိယာအနီး တိုက်စစ်ဇုန်ထဲမှာပဲ အမြဲရှိနေသင့်တယ်လို့ ရွိုင်ကိန်း က ပြောကြားလိုက်ပါတယ်။
၂၀၂၆ ကမ္ဘာ့ဖလားပြိုင်ပွဲကြီးဟာ အရင်ပြိုင်ပွဲတွေနဲ့မတူဘဲ သမိုင်းဝင်ပြိုင်ပွဲကြီးတစ်ခု ဖြစ်လာတော့မှာပါ။ ပထမဆုံးအကြိမ်အဖြစ် အသင်းပေါင်း ၄၈ အသင်းအထိ တိုးမြှင့်ကျင်းပမှာဖြစ်ပြီး အမေရိကန်၊ ကနေဒါ နဲ့ မက္ကဆီကို နိုင်ငံသုံးနိုင်ငံမှာ ခွဲဝေကျင်းပမှာဖြစ်လို့ နှစ်ပေါင်း ၁၀၀ နီးပါးရှိပြီဖြစ်တဲ့ ကမ္ဘာ့ဖလားသမိုင်းတစ်လျှောက်မှာ အကြီးကျယ်ဆုံးသော ပွဲတော်ကြီးတစ်ခု ဖြစ်လာဖို့ ရှိနေပါတယ်။
၂၀၂၆ ကမ္ဘာ့ဖလားအတွက် နည်းပြ သောမတ်စ် တူချယ် ရွေးချယ်မဲ့ အင်္ဂလန် အသင်းလူစာရင်းကနေ မန်ချက်စတာ ယူနိုက်တက် နောက်ခံလူ ဟာရီ မက်ဂွါရီ ချန်လှပ်ခြင်းခံခဲ့ရပြီး ဒါဟာ သူ့အတွက် တကယ့်ကို အံ့အားသင့်စရာ ဖြစ်ခဲ့ရပါတယ်။
ဘရာဇီးလ် ဂန္ထဝင်ကစားသမား ကာဖူး က ပြီးခဲ့တဲ့ဆယ်စုနှစ်အတွင်း အမျိုးသားအသင်းမှာ နေမာ ဟာ တာဝန်တွေကို အလွန်အကျွံ ထမ်းပိုးခဲ့ရပြီး ဒါက နိုင်ငံရဲ့ ဆဋ္ဌမမြောက် ကမ္ဘာ့ဖလားချန်ပီယံဆု ဆွတ်ခူးနိုင်မဲ့ မျှော်လင့်ချက်ကို ထိခိုက်ပျက်စီးစေခဲ့တယ်လို့ ယုံကြည်နေပါတယ်။
မော်ရင်ညိုသာ ပေါ်တူဂီနည်းပြဖြစ်လာရင် ရော်နယ်ဒိုအနေနဲ့ ၂၀၃၀ ကမ္ဘာ့ဖလားမှာ ပါဝင်ကစားနိုင်တယ်လို့ မန်းဒက်စ်က ပြောလိုက်ပါတယ်။ တော့တင်ဟမ်နဲ့ စပို့တင်းလစ္စဘွန်း ကွင်းလယ်လူဟောင်း ပက်ဒရို မန်းဒက်စ်က ပေါ်တူဂီအသင်းနဲ့အတူ ခရစ္စတီယာနို ရော်နယ်ဒိုရဲ့ အနာဂတ်အကြောင်း ပြောပြခဲ့တာပါ။
အာဂျင်တီးနားနည်းပြ လီယွန်နယ် စကာလိုနီက ၂၀၂၆ ကမ္ဘာ့ဖလားမှာ လီယွန်နယ် မက်ဆီ ပါဝင်ကစားဖို့ ရှိ၊ မရှိကို အခုထိ အတည်မပြုနိုင်သေးဘူးလို့ ပြောပါတယ်။ အင်တာမိုင်ယာမီကြယ်ပွင့် မက်ဆီအပေါ် ဖိအားမသက်ရောက်စေဖို့အတွက် ဒီဆုံးဖြတ်ချက်ဟာ ကစားသမားအပေါ်မှာပဲ လုံးဝမူတည်တယ်လို့ နည်းပြက ထပ်လောင်းပြောကြားခဲ့ပါတယ်။
