၂၀၂၆ ကမ္ဘာ့ဖလားပြိုင်ပွဲကြီးဟာ အရင်ပြိုင်ပွဲတွေနဲ့မတူဘဲ သမိုင်းဝင်ပြိုင်ပွဲကြီးတစ်ခု ဖြစ်လာတော့မှာပါ။ ပထမဆုံးအကြိမ်အဖြစ် အသင်းပေါင်း ၄၈ အသင်းအထိ တိုးမြှင့်ကျင်းပမှာဖြစ်ပြီး အမေရိကန်၊ ကနေဒါ နဲ့ မက္ကဆီကို နိုင်ငံသုံးနိုင်ငံမှာ ခွဲဝေကျင်းပမှာဖြစ်လို့ နှစ်ပေါင်း ၁၀၀ နီးပါးရှိပြီဖြစ်တဲ့ ကမ္ဘာ့ဖလားသမိုင်းတစ်လျှောက်မှာ အကြီးကျယ်ဆုံးသော ပွဲတော်ကြီးတစ်ခု ဖြစ်လာဖို့ ရှိနေပါတယ်။
၂၀၂၆ ကမ္ဘာ့ဖလားအတွက် နည်းပြ သောမတ်စ် တူချယ် ရွေးချယ်မဲ့ အင်္ဂလန် အသင်းလူစာရင်းကနေ မန်ချက်စတာ ယူနိုက်တက် နောက်ခံလူ ဟာရီ မက်ဂွါရီ ချန်လှပ်ခြင်းခံခဲ့ရပြီး ဒါဟာ သူ့အတွက် တကယ့်ကို အံ့အားသင့်စရာ ဖြစ်ခဲ့ရပါတယ်။
အာဂျင်တီးနားနည်းပြ လီယွန်နယ် စကာလိုနီက ၂၀၂၆ ကမ္ဘာ့ဖလားမှာ လီယွန်နယ် မက်ဆီ ပါဝင်ကစားဖို့ ရှိ၊ မရှိကို အခုထိ အတည်မပြုနိုင်သေးဘူးလို့ ပြောပါတယ်။ အင်တာမိုင်ယာမီကြယ်ပွင့် မက်ဆီအပေါ် ဖိအားမသက်ရောက်စေဖို့အတွက် ဒီဆုံးဖြတ်ချက်ဟာ ကစားသမားအပေါ်မှာပဲ လုံးဝမူတည်တယ်လို့ နည်းပြက ထပ်လောင်းပြောကြားခဲ့ပါတယ်။
မန်ယူအသင်းရဲ့ ဝါရင့်နောက်ခံလူ ဟယ်ရီ မက်ဂွိုင်းယားကို ၂၀၂၆ ကမ္ဘာ့ဖလားအတွက် အင်္ဂလန်အသင်းမှာ ပြန်လည်ရွေးချယ်သင့်တယ်လို့ ယာယီနည်းပြ မိုက်ကယ် ကားရစ်က ထောက်ခံပြောကြားလိုက်ပါတယ်။ မက်ဂွိုင်းယားဟာ ၂၀၂၄ ခုနှစ်နောက်ပိုင်း အင်္ဂလန်အသင်းအတွက် ကစားပေးခွင့် မရတော့ပေမဲ့ အခုလက်ရှိ ခြေစွမ်းပြနေတာကြောင့် အခွင့်အရေး ပြန်ရသင့်တယ်လို့ ကားရစ်က ယုံကြည်နေတာပါ။
အမေရိကန် သမ္မတ ဒေါ်နယ်ထရမ့်က သူတို့နိုင်ငံမှာ အိမ်ရှင်အဖြစ် ပူးတွဲကျင်းပမဲ့ ၂၀၂၆ ကမ္ဘာ့ဖလားပြိုင်ပွဲမှာ အီရန်အသင်း ပါဝင်ယှဉ်ပြိုင်တာ၊ မပြိုင်တာကို ဂရုမစိုက်ဘူးလို့ အင်္ဂါနေ့မှာ ပြောလိုက်ပါတယ်။
အမေရိကန်နဲ့ အစ္စရေးတို့ရဲ့ လေကြောင်းတိုက်ခိုက်မှုအတွင်း အီရန်နိုင်ငံရဲ့ အမြင့်ဆုံးခေါင်းဆောင် အယာတိုလာ အလီ ခါမေနီ သေဆုံးသွားခဲ့ပြီးနောက်မှာ အီရန်ဘက်က ဒီနွေရာသီ ကမ္ဘာ့ဖလားပြိုင်ပွဲကနေ နုတ်ထွက်မယ်လို့ ခြိမ်းခြောက်လိုက်ကြောင်း သိရပါတယ်။
