နစ်ကီ ဘတ်က ဟိုဆေး မော်ရင်ညိုဟာ မန်ချက်စတာ ယူနိုက်တက်ကို ဦးဆောင်နိုင်စွမ်း ရှိနေသေးတယ်လို့ ပြောလိုက်ပါတယ်။ အသင်းကနေ ပထမအကြိမ် ထွက်ခွာခဲ့တုန်းက အဆင်မပြေမှုတွေ ရှိခဲ့ပေမဲ့ အောင်မြင်မှုတွေ ယူပေးနိုင်ခဲ့တဲ့ “Special One” ပြန်လာတာကို သူက ကြိုဆိုမယ်လို့ ဝန်ခံခဲ့ပါတယ်။ မော်ရင်ညိုဟာ အိုးလ်ထရပ်ဖို့ဒ်ရဲ့ ဖိအားတွေကို ကိုင်တွယ်နိုင်တဲ့ ကိုယ်ရည်ကိုယ်သွေးနဲ့ အတွေ့အကြုံရှိသူဖြစ်ကြောင်း ဘတ်က ထောက်ခံပေးခဲ့ပါတယ်။
ပရီးမီးယားလိဂ်ကလပ်တွေဟာ ပြီးခဲ့တဲ့တစ်နှစ်အတွင်း အေးဂျင့်ခတွေအတွက် ပေါင် ၄၆၀ သန်းအထိ ပေးချေခဲ့ကြပြီး ဒါဟာ အရင် ၁၂ လထက် ၁၃ ရာခိုင်နှုန်း တိုးလာတာဖြစ်ပါတယ်။ ဒီစာရင်းဟာ ၂၀၂၅ ခုနှစ် ဖေဖော်ဝါရီလကနေ ၂၀၂၆ ခုနှစ် ဖေဖော်ဝါရီလအတွင်း ကစားသမား၊ နည်းပြ ဒါမှမဟုတ် ကလပ်အသင်းတွေနဲ့ ပတ်သက်တဲ့ အပြောင်းအရွှေ့နဲ့ စာချုပ်ချုပ်ဆိုမှုတွေမှာ ဘောလုံးအဖွဲ့ချုပ် (FA) လက်အောက်ခံ အေးဂျင့်တွေကိုပေးခဲ့တဲ့ ငွေကြေးတွေပဲ ဖြစ်ပါတယ်။
မန်ချက်စတာယူနိုက်တက် အသင်းကနေ ဒီနွေရာသီမှာ ထွက်ခွာတော့မဲ့ ကတ်စ်မဲရိုးက ပြီးခဲ့တဲ့ပွဲစဉ်မှာ ပရိသတ်တွေက သူ့နာမည်ကို အော်ဟစ်အားပေးခဲ့ကြတာကြောင့် ဇနီးဖြစ်သူ ငိုခဲ့ရတယ်လို့ ဖွင့်ဟပြောကြားလိုက်ပါတယ်။ ကတ်စ်မဲရိုးနဲ့ ယူနိုက်တက်တို့ကြားမှာ စာချုပ်ပါ အချက်အလက်တချို့ကို ပယ်ဖျက်ဖို့ သဘောတူညီမှု ရခဲ့ပြီးနောက် အခုလို အခြေအနေတွေ ဖြစ်ပေါ်လာတာပါ။
မနေ့ သောကြာနေ့ရဲ့ Q&A အစီအစဉ် ဒုတိယပိုင်းမှာတော့ အသင်းခေါင်းဆောင် ဘရူနို ဖာနန်ဒက်စ်နဲ့ အနာဂတ်ကြယ်ပွင့်လောင်းလေး ဂျေဂျေ ဂါဘရီရယ်တို့အကြောင်းကို အဓိကထား ပြောပြထားပါတယ်။
အီဂျစ်တိုက်စစ်မှူး ဆာလာက ဒီနွေရာသီမှာ အသင်းကနေ ထွက်ခွာတော့မယ်လို့ အတည်ပြုထားပေမဲ့ ကာရေဂါကတော့ ဆာလာရဲ့ အန်ဖီးလ်ကွင်းနောက်ဆုံးပွဲကို ကြည့်ဖို့ စိတ်မဝင်စားဘူးလို့ ဝန်ခံလိုက်ပါတယ်။ လီဗာပူးဂန္ထဝင် ကာရေဂါကတော့ ဆာလာအနေနဲ့ ဒီထက်ပိုပြီး ခမ်းနားတဲ့ နှုတ်ဆက်ပွဲမျိုးကိုပဲ ရည်မှန်းသင့်တယ်လို့ ယုံကြည်နေပြီး ဘူဒါပက်မှာကစားမဲ့ ချန်ပီယံလိဂ်ဗိုလ်လုပွဲမှာ အသင်းကို အောင်ပွဲရအောင် ကူညီပေးရင်း နှုတ်ဆက်သွားတာမျိုးကိုပဲ မြင်ချင်နေတာပါ။
နာသန် ပတ်တာဆန်က ယူရို ၂၀၂၄ မှာ မပါဝင်ခဲ့ရတဲ့ စိတ်ပျက်မှုကို အားအင်အဖြစ် ပြောင်းလဲပြီး ဒီနွေရာသီမှာ ကစားမဲ့ ကမ္ဘာ့ဖလားအတွက် စကော့တလန်အသင်းမှာ နေရာရဖို့ မျှော်လင့်နေပါတယ်။
ပရီးမီးယားလိဂ်ရဲ့ အကြီးကျယ်ဆုံး ကစားသမားတစ်ဦးဖြစ်တဲ့ မိုဟာမက် ဆာလာဟာ ဒီနွေရာသီမှာ လီဗာပူးအသင်းကနေ ထွက်ခွာတော့မှာပါ။ သူဟာ အသင်းအတွက်ရော၊ ပရီးမီးယားလိဂ်အတွက်ပါ ဂန္ထဝင်မြောက်တဲ့ မှတ်တမ်းကောင်းတွေ အများကြီး ချန်ထားခဲ့တာပါ။
Sky Sports ရဲ့ ဝေဖန်ရေးသမား ပေါလ် မာဆင် က အာဆင်နယ်ဟာ ကာရာဘောင်ဖလား ဗိုလ်လုပွဲမှာ မန်စီးတီးကို ရှုံးနိမ့်ခဲ့ပေမဲ့ ဒီရာသီ ပရီးမီးယားလိဂ်ဖလားကိုတော့ ဆွတ်ခူးသွားဦးမှာပါလို့ ယုံကြည်နေပါတယ်။ ဒါပေမဲ့ ဒါဟာ ဂန်းနားတို့ ဒီရာသီမှာ ရရှိမဲ့ တစ်ခုတည်းသော ဆုဖလား ဖြစ်လာလိမ့်မယ်လို့လည်း သူက ဆိုပါတယ်။
ချယ်လ်ဆီးအသင်းဟာ လူငယ်ကစားသမားတွေကို ပြိုးထောင်ဖို့ အမြဲကြိုးစားလေ့ရှိပေမဲ့ အခုတော့ အန်ဒရီ ဆန်းတို့စ်ရဲ့ အနာဂတ်နဲ့ပတ်သက်ပြီး အကြပ်ရိုက်စရာ အခြေအနေတစ်ခု ကြုံနေရပါတယ်။ ကော့တ် အော့ဖ်ဆိုက်(ဒ်) ရဲ့ ဖော်ပြချက်အရ ဘရာဇီးလ်ကွင်းလယ်လူ ဆန်းတို့စ်ဟာ ဥရောပမှာ နာမည်ကြီးလာနေပေမဲ့ စတန်းဖို့ဒ်ဘရစ်ချ်မှာ ဆက်ရှိနေမလားဆိုတာကတော့ မသေချာသေးပါဘူး။
အာဆင်နယ်နောက်ခံလူ ပီယာရို ဟင်ကာပီကတော့ လာမဲ့ ကာရာဘောင်ဖလား ဗိုလ်လုပွဲရလဒ်ဟာ ပရီးမီးယားလိဂ် ချန်ပီယံလုပွဲအပေါ် စိတ်ဓာတ်ပိုင်းဆိုင်ရာ သက်ရောက်မှုရှိမှာမဟုတ်ဘူးလို့ ဆိုလိုက်ပါတယ်။ ဂန်းနားတို့ဟာ အမှတ်ပေးဇယားထိပ်မှာ ၉ မှတ်အထိ ဖြတ်ထားနိုင်ပေမဲ့ အီကွေဒေါနောက်ခံလူကတော့ အသင်းသားတွေဟာ ဝမ်ဘလေကွင်းမှာ ဖလားမြှောက်နိုင်ဖို့ကိုပဲ အာရုံစိုက်ထားတယ်လို့ အခိုင်အမာပြောခဲ့ပါတယ်။
