အင်္ဂလန်အသင်းခေါင်းဆောင် ဟာရီ ကိန်း ဟာ ဘာစီလိုနာအသင်းရဲ့ စိတ်ဝင်စားမှုကိုခံနေရပေမဲ့ ဘိုင်ယန်မြူးနစ် အသင်းမှာပဲ သက်တမ်းတိုး စာချုပ်သစ်ချုပ်ဆိုဖို့ ရှိနေပါတယ်။ ဘာစီလိုနာ အသင်းဘက်ကတော့ ဘိုင်ယန်မြူးနစ် တိုက်စစ်မှူးကို ခေါ်ယူဖို့အတွက် ဘဏ္ဍာရေးအရ ဘယ်လိုစီစဉ်ရမလဲဆိုတာကို လေ့လာစုံစမ်းနေတယ်လို့ သတင်းထွက်ပေါ်နေပါတယ်။
လာမဲ့တနင်္လာနေ့မှာ ကစားမဲ့ စပိန် အသင်းရဲ့ ကမ္ဘာ့ဖလားအဖွင့်ပွဲစဉ်ဖြစ်တဲ့ ကိတ်ဗာဒီ အသင်းနဲ့ပွဲမှာ တိုက်စစ်မှူး လာမင်း ယာမားလ် အနေနဲ့ ပါဝင်ကစားဖို့ အကောင်းဆုံးကြံ့ခိုင်မှု အခြေအနေမှာ ရှိနေတယ်လို့ နည်းပြ လူဝီ ဒီလာဖွန်တေ က ပြောကြားလိုက်ပါတယ်။
ဘာစီလိုနာ အသင်းရဲ့ ဥက္ကဋ္ဌဟောင်းဖြစ်သူ ဂျိုးဆက် မာရီယာ ဘာတိုမေး က ၂၀၁၇ ခုနှစ်တုန်းက တခြားအသင်းတစ်သင်းက လီယွန်နယ် မက်ဆီ ကို စံချိန်တင်ပြောင်းရွှေ့ကြေးနဲ့ ခေါ်ယူဖို့ ပြင်ဆင်နေတာကို သိလိုက်ရပြီးနောက်မှာ အသင်းကနေ လက်မလွှတ်ရအောင် စာချုပ်အမြန်သက်တမ်းတိုးခဲ့ရတာလို့ ပြောလိုက်ပါတယ်။
ဘာစီလိုနာရဲ့ ဝါရင့်ကစားသမားကြီး ရောဘတ် လီဝန်ဒေါစကီးရဲ့ အနာဂတ်နဲ့ ပတ်သက်ပြီး ဆွေးနွေးမှုတွေ ရှိနေတာ လအတော်ကြာနေပါပြီ။ အထူးသဖြင့် သူ့ရဲ့ လက်ရှိစာချုပ်က လာမဲ့ ဇွန်လမှာ ကုန်ဆုံးတော့မှာဖြစ်လို့ပါ။
ဘာစီလိုနာအသင်းကနေ လီယွန်နယ် မက်ဆီ ထွက်ခွာသွားခဲ့တာဟာ “မှန်ကန်တဲ့ ဆုံးဖြတ်ချက်” ဖြစ်တယ်လို့ ဥက္ကဋ္ဌ ဂျိုအန် လာပေါ်တာက ပြောကြားလိုက်ပါတယ်။ လာပေါ်တာ တတိယအကြိမ်မြောက် ဥက္ကဋ္ဌအဖြစ် ပြန်လည်ရွေးကောက်ခံရတဲ့ စပိန်နိုင်ငံက ရွေးကောက်ပွဲကာလအတွင်းမှာ မက်ဆီရဲ့ အငြင်းပွားဖွယ် ထွက်ခွာမှုအကြောင်းက ပြန်လည်ရေပန်းစားလာခဲ့တာပါ။ အခုတော့ လာပေါ်တာက ဒီကိစ္စနဲ့ပတ်သက်ပြီး မက်ဆီကို လက်လွှတ်ခဲ့တာဟာ နောက်ဆုံးမှာတော့ မှန်ကန်တဲ့ လုပ်ရပ်ဖြစ်ခဲ့တယ်လို့ ထပ်လောင်း အတည်ပြုလိုက်ပါတယ်။
ဘာစီလိုနာအသင်းဟာ လာမဲ့နွေရာသီမှာ တိုက်စစ်ပိုင်းကို အကြီးအကျယ် ပြင်ဆင်ဖို့စီစဉ်နေပြီး စပိန်ကြယ်ပွင့် ဖာရန် တောရက်စ်ကို ရောင်းထုတ်ဖို့ ကမ်းလှမ်းမှုတွေကို နားထောင်သွားမှာဖြစ်လို့ သူ့ရဲ့အနာဂတ်ဟာ မရေမရာ ဖြစ်နေပါတယ်။
ရောဘတ် လီဝန်ဒေါစကီးကို ခေါ်ယူဖို့ မျက်စိကျနေတာက မီလန် တစ်သင်းတည်း မဟုတ်ပါဘူး။ ပိုလန် တိုက်စစ်မှူးဟာ ဘာစီလိုနာနဲ့ စာချုပ်ကိစ္စ အခက်တွေ့နေပြီး ရာသီကုန်မှာ သူ့ရဲ့အနာဂတ်အတွက် အရေးကြီးတဲ့ ဆုံးဖြတ်ချက်တစ်ခု ချရပါတော့မယ်။ အလွတ်ပြောင်းရွှေ့ကြေးနဲ့ ထွက်ခွာဖို့ ဖြစ်နိုင်ခြေကလည်း တော်တော်လေး များနေပါတယ်။ ဒါပေမဲ့ သူ ဘယ်ကို သွားမှာလဲ။
ဘာစီလိုနာအသင်းဟာ ပရိသတ်တွေရဲ့ အချစ်တော် ကွင်းလယ်လူ ဂါဗီ ပြန်လာနိုင်ဖို့အတွက် အစီအစဉ်ကို ချမှတ်ထားပြီး ဖြစ်ပါတယ်။ MARCA သတင်းဌာနရဲ့ ဖော်ပြချက်အရ ဘာစီလိုနာဟာ ဂါဗီ ပြန်လာဖို့အတွက် အကြမ်းဖျင်း အချိန်ဇယားတစ်ခုကို ဆွဲထားပြီးပြီလို့ သိရပါတယ်။
တနင်္လာနေ့က မွန်တီလီဗီကွင်းမှာ ကစားခဲ့တဲ့ပွဲမှာ ဂျီရိုနာက ဘာစီလိုနာကို ၂-၁ ဂိုးနဲ့ အနိုင်ယူပြီး လာလီဂါချန်ပီယံလုပွဲမှာ အကြီးအကျယ် တုန်လှုပ်စေခဲ့ပါတယ်။ လာမင်း ယမယ်လ် ပင်နယ်တီလွဲချော်ခဲ့သလို ဟန်ဆီ ဖလစ်ခ်ရဲ့အသင်းဟာ အငြင်းပွားဖွယ်ရာ နောက်ကျဂိုးကြောင့် ဒေါသထွက်ခဲ့ရပါတယ်။ ရီရဲလ်မက်ဒရစ်နဲ့ အပြိုင်ဖြစ်နေတဲ့ ချန်ပီယံလုပွဲမှာ ဘာစီလိုနာတို့ အရေးကြီးတဲ့ အမှတ်တွေ ဆုံးရှုံးခဲ့ရပါတယ်။
ရီးရဲလ်မက်ဒရစ်အသင်းက ဘာစီလိုနာကို ၃-၂ ဂိုးဖြင့် အရေးနိမ့်ခဲ့တဲ့ စပိန်စူပါဖလားဗိုလ်လုပွဲအပြီး ဇာဘီအလွန်ဆိုနဲ့လမ်းခွဲကာ အာဘီလိုအာကို နည်းပြသစ်အဖြစ် တာဝန်ပေးသွားမယ်လို့ ကြေညာခဲ့ပါတယ်။
